Home/Vinnsla og greining gagna (e. Data Analysis)
Stjórnun og leiðtogafærni Upplýsingatækni

Lengri námslínur

Vinnsla og greining gagna (e. Data Analysis)

Á tímum gagnagnóttar (Big Data) veitir þekking á nýtingu gagna samkeppnisforskot.

Staðnám

Námskeið hefst
27. september 2022 - kl. 09:00
Verð
555.000 kr.
Staða
Skráning hafin

Stutt lýsing

Á tímum gagnagnóttar (Big Data) veitir þekking á nýtingu gagna samkeppnisforskot.

Um námskeiðið

Góður árangur í rekstri byggir í auknum mæli á greiningu gagna til stuðnings ákvörðunartöku. Með þessu yfirgripsmikla námi öðlast þátttakendur þekkingu í að nálgast gögn og vinna með þau, undirstöðuatriði forritunar og verkefnastjórnun, þeir fá þjálfun í greiningu með mismunandi verkfærum og læra aðferðir við að setja gögnin fram á skýran og aðgengilegan hátt.

Meðal þess sem kennt er:

  • Helstu atriði við notkun á SQL gagnagrunni.
  • Gerð spálíkana og greining félagslegra neta (e. social network analysis) með sjálfvirkri tölvugreiningu.
  • Möguleikar Power BI frá Microsoft
  • Algengustu aðgerðir tölfræðiúrvinnslu í R
  • Helstu þættir vöruhúsa gagna
  • Hvernig á að velja viðskiptagreindarkerfi
  • OLAP/BI tengingar og mælaborð í Excel
  • Grunnatriði forritunar í Python 

Um verðmæti gagna

Í allri starfsemi verða til gögn sem hægt er að nýta. Gögnin geta hjálpað starfsfólki að sjá ný tækifæri, taka betri ákvarðanir og þróa nýja vöru og þjónustu eða bæta það sem framleitt er nú þegar. Kunnátta á helstu aðferðum við að greina gögnin, lesa úr þeim og setja þau fram, er því nauðsynleg í atvinnulífinu í dag og verður enn mikilvægari á komandi árum.

Fyrir hverja er námskeiðið

Námið hentar sérfræðingum og stjórnendum sem hafa unnið með gögn í störfum sínum og vilja þjálfa sig og bæta kunnáttuna. 

Skipulagið

Um kennslu í námslínunni sjá fimm sérfræðingar sem hafa umfangsmikla þekkingu á forritun, upplýsingastjórnun, viðskiptagreind, tölfræði, líkanagerð, verkefnastjórnun og ákvörðunartöku. Kennt verður í staðarnámi.

Próf og verkefni

Nemendur þurfa ekki að þreyta próf og þeim er ekki sett fyrir heimavinna. Þau verkefni sem eru sett fyrir eru valkvæð.

Námslínan er 126 klukkustundir. Kennsla hefst í september og lýkur í mars með jólafríi á milli. Kennt er á þriðjudögum frá kl. 9:00 til 15:00.

(birt með fyrirvara um breytingar)

Haustönn 2022

Hefst 27. september og lýkur 29. nóvember.

Vorönn 2023

Hefst 17. janúar og lýkur 28. mars.

Hagnýtar upplýsingar

Nemendur fá létta morgunhressingu og hádegismat þá daga sem kennt er.

Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk frá stéttarfélagi til að sækja nám eða námskeið?
Kannaðu málið.

Verð

Verð: 555.000 kr.

Verkefnastjóri

Björg Rún Óskardóttir

bjorgrun@ru.is

Leiðbeinendur

Yngvi  Björnsson);

Yngvi Björnsson

Prófessor við tölvunarfræðideild Háskólans í Reykjavík (HR) og meðstjórnandi Gervigreindarseturs HR

Grímur  Sæmundsson);

Grímur Sæmundsson

BI Ráðgjafi

Pálmi   Símonarson);

Pálmi Símonarson

Sérfræðingur í viðskiptagreind

Anna Helga Jónsdóttir);

Anna Helga Jónsdóttir

Dósent í tölfræði við Raunvísindadeild Háskóla Íslands

Deila námskeiði:

Go to Top