Undirbúningsnámskeið fyrir próf í verðbréfaréttindum.

Sérfræðingar og stjórnendur sem hafa umsjón með daglegri starfsemi í tengslum við viðskipti með fjármálagerninga verða lögum samkvæmt að hafa staðist próf í verðbréfaréttindum. Sama á við um einkaumboðsmenn, framkvæmdastjóra rekstrarfélags, sjóðsstjóra og aðila sem sinna eignastýringu verðbréfasafna lífeyrissjóðs. Prófið nýtist einnig öðrum þeim sem starfa á fjármálamarkaði. Þetta þýðir að þessir aðilar þurfa að kynna sér grundvallarþætti sem varða fjármálamarkaðinn á sviði lögfræði og viðskiptafræði. 

Meðal þess sem kennt er:

• Lög og reglur á fjármálamarkaði,
• Almenn siðfræði og tengd löggjöf á fjármálamarkaði,
• Aðrar greinar á sviði lögfræði að því marki sem þær skipta máli við umsjón með daglegri starfsemi í tengslum við viðskipti með fjármálagerninga: 

                        félagaréttur,
                        samninga- og kröfuréttur,
                        gjaldþrotaskipti og sambærileg málsmeðferð,
                        skaðabótaábyrgð vegna fjárfestingarráðgjafar.

Þetta námskeið er eitt af tveimur námskeiðum sem eru í boði við Opna háskólann í HR sem búa þátttakendur undir próf í verðbréfaréttindum.

Önnur undirbúningsnámskeið

• Verðbréfaréttindi II: Viðskiptafræði

Próf í verðbréfaréttindum

Opni háskólinn í HR heldur prófin og sér um skráningu í þau og utanumhald fyrir hönd fjármála- og efnahagsráðuneytisins. Prófin eru haldin í það minnsta einu sinni á ári. Öllum er heimilt að skrá sig til verðbréfaréttindaprófs.

Vinsamlega athugið að sérstakt gjald er greitt fyrir próftöku sem er ekki innifalið í námskeiðsgjaldi fyrir undirbúningsnámskeiðið.

Dagsetningar og fleiri hagnýtar upplýsingar má nálgast á upplýsingasíðu um próf í verðbréfaréttindum:

Leiðbeinendur á námskeiðinu hafa allir víðtæka reynslu og þekkingu á fjármagnsmarkaði og starfa allir á því sviði.

Kennari í lögfræðihluta verðbréfaréttinda

• Dr. Andri Fannar Bergþórsson

• Innifalið í verði eru námskeiðsgögn.

• Prófgjöld eru ekki innifalin í námskeiðsgjaldi.

Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk frá stéttarfélagi til að sækja nám eða námskeið?
Kannaðu málið.

Íris Bjarnadóttir, verkefnastjóri

• irisbja@ru.is