Stjórnun|Stutt námskeið

Stjórnun í sérfræðingaumhverfi

Hvernig má auka starfsánægju sérfræðinga og þar með árangur þeirra?

  • Næsta námskeið

    25. febrúar 2020
    kl. 9:00 - 12:00

  • Staða

    Skráning hafin

  • Lengd

    6 klst.

  • Verð

    72.000 kr.

Verkefna­stjóri

Sandra Kr. Ólafsdóttir

Um námskeiðið

Þetta námskeið spannar allar helstu stjórnunaráskoranir í sérfræðingaumhverfi. Á því er gefið greinargott yfirlit um hvernig auka megi árangur og starfsánægju meðal sérfræðinga, til dæmis með  hvatningu, þjálfun, skilvirkni, frammistöðustjórnun og starfsþróun, og starfshelgun.

Sérfræðingar sem verða stjórnendur

Jafnframt er fjallað um þær fjölmörgu áskoranir sem fylgja því að þróast úr sérfræðingsstarfi í stjórnendastarf og hvernig megi auka árangur þeirra sérfræðinga sem taka á sig stjórnunarábyrgð.

Mannauðurinn það mikilvægasta

Þekkingarfyrirtæki byggja árangur sinn og afkomu fyrst og fremst á mannauð. Skilvirk stjórnun og skynsamleg nýting þessa auðs eru lykilþættir verðmætasköpunar og árangursríks reksturs.

Ávinningur

  • Aukinn skilningur á þörfum og væntingum sérfræðinga
  • Aukin hæfni í að beita skilvirkum stjórnunaraðferðum í sérfræðingaumhverfi
  • Aukin hæfni í að auka helgun og frammistöðustjórnun
  • Aukin þekking á þeim áskorunum sem fylgja því að færast úr sérfræðingsstarfi í stjórnunarstarf

Skipulag

Kennsla fer fram:

  • Þriðjudaginn 25. febrúar 2020, frá kl. 9.00-12.00.
  • Fimmtudaginn 27. febrúar 2020, frá kl. 9.00-12.00.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

Hagnýtar upplýsingar

Flest stéttarfélög niðurgreiða hluta námskeiðsgjalda fyrir sína félagsmenn. Opni háskólinn hvetur þig til að kynna þér möguleikana.

Hér koma leiðbeinendur

 

 

Leiðbeinendur

Dr. Þóranna Jónsdóttir

Ráðgjafi á sviði breytingastjórnunar og stjórnarhátta