Stjórnun|Stutt námskeið

Samningatækni fyrir mannauðsstjóra

Námskeið sem eykur hæfni þátttakenda til að leysa úr ágreiningi og ná hagstæðum niðurstöðum í samningum.

  • Næsta námskeið

    23. apríl 2021
    kl. 09.00 - 16.00

  • Staða

    Skráning hafin

  • Lengd

    7 klst.

  • Verð

    65.000 kr.

Verkefna­stjóri

Björg Rún Óskarsdóttir

bjorgrun@ru.is

599 6300

Um námskeiðið

Ein helstu verkefni mannauðsstjóra er að ráða inn hæft starfsfólk, semja um laun þeirra og að leysa úr ágreiningi. Hvernig geta mannauðsstjórar ráðið hæfasta starfsfólkið til sín en á sama tíma haldið niðri launakostnaði? Hvernig geta mannauðsstjórar leyst deilumál með árangursríkum hætti? 

Á námskeiðinu takast þátttakendur á við hagnýtar æfingar í samningatækni sem kristalla þær grundvallaráskoranir sem mannauðsstjórar standa frammi fyrir. Námskeiðið er hugsað sem verkfærakista mannauðsstjórans í samningatækni.

Að námskeiði loknu er stefnt að því að þátttakendur:

  • Fái skilning á undirliggjandi þáttum í samningaviðræðum og helstu hugtökum samningatækni.
  • Hafi aukið hæfni sína til að leysa úr ágreiningi og snúa átökum í árangursríkt samstarf.
  • Hafi aukið hæfileika sína til að ná hagstæðri niðurstöðu og skapa traust fyrir langtíma viðskiptasambönd.
  • Njóti aukins sjálfstrausts í samningaviðræðum og geti nýtt þekkingu sína til að stjórna gangi viðræðna og beina þeim til hagstæðrar niðurstöðu.
  • Hafa lært að hámarka árangur starfsmanna sinna en á sama tíma verndað fyrirtækið sitt út frá arðsemi fyrirtækisins.
  • Ná betri tökum á gerð launasamninga starfsmanna.

Samningatækni

Samningagerð og ákvörðunartaka kemur við sögu á hverjum degi í lífi og starfi allra, gagnvart samstarfsfólki, viðskiptavinum og fjölskyldu. Hvernig til tekst skiptir miklu máli fyrir velgengni starfsmanna og viðkomandi fyrirtækis. 

Góð samningatækni krefst engra sérstakra persónueiginleika eða bellibragða heldur geta allir bætt árangur sinn umtalsvert sama hvar í fyrirtækinu þeir vinna með því að beita einföldum grundvallarreglum og vinnuaðferðum.

Fyrir hverja er námskeiðið

Námskeiðið hentar öllum mannauðsstjórum sem vilja efla sig í starfi á sviði samningatækni og launasamninga. Ekki er krafist þekkingar á samningatækni.

Skipulag 

Námskeiðið verður kennt í staðarnámi í Opna háskólanum

  • Föstudaginn 23. apríl 2021 kl. 09.00-16.00.

Vinsamlega athugið að dagsetningar eru birtar með fyrirvara um að lágmarksþátttaka náist á námskeiðið.

Ef breytingar verða í þjóðfélaginu vegna Covid-19 mun námskeiðið verða kennt í fjarkennslu.

Hagnýtar upplýsingar

Flest stéttarfélög niðurgreiða hluta námskeiðsgjalda fyrir sína félagsmenn. 

Hér koma leiðbeinendur

 

 

Leiðbeinendur

Dr. Aldís Guðný Sigurðardóttir

Lektor við tækniháskólann í Twente í Holland