Stjórnun|Stutt námskeið

Sálrænt öryggi teyma

Hvernig byggjum við upp umhverfi árangurs?

  • Næsta námskeið

    22. september 2022
    09:00 - 12:30

  • Staða

    Skráning hafin

  • Lengd

    10,5 klst (3x3,5 klst)

  • Verð

    69.000 kr.

Verkefna­stjóri

Björg Rún Óskarsdóttir

bjorgrun@ru.is

599 6300

Um námskeiðið

Ímyndaðu þér að vinna í teymi þar sem þú þyrftir ekki stöðugt að ritstýra því sem þú segir. Þar sem þú þyrftir aldrei að hugsa hvort þú litir út eins og kjáni ef þú spyrð spurninga eða viðurkennir mistök. Þar sem þú myndir leggja fram þínar hugmyndir og pælingar, óhikað, því þú vissir að þitt sjónarhorn skipti máli í heildarmyndinni. Þar sem þú biðir fram aðstoð og bæðir um hjálp óhikað. Þar sem tekið væri fagnandi á móti gagnrýni og efasemdum og engir bleikir fílar þrifust því erfiðu málin væru uppi á yfirborðinu. 

Ofangreint er lýsing á daglegu lífi í teymum þar sem sálrænt öryggi mælist hátt. Rannsóknir sýna að í slíku umhverfi:

  • Blómstrar nýsköpun (meira virði skapast)
  • Lærdómur fæst hraðar og verður skarpari (náum hraðar árangri)
  • Aukast gæði (uppfyllum betur þarfir viðskiptavina)
  • Eykst vellíðan starfsmanna (minni streita og meiri þátttaka & ánægja) 

Á tímum þar sem umhverfi flestra fyrirtæki einkennist af óvissu, hraða og sífelldum breytingum eru það mjúku, óáþreifanlegu málin sem eru orðin grunnur að árangri fyrirtækja og stofnanna.

Á námskeiðinu skoðum við hvað felst í sálrænu öryggi og lærum að þekkja hvernig bæði hátt og lágt sálrænt öryggi birtist í teymum. Við rýnum okkar eigin reynsluheim og drögum lærdóm þaðan. Við skoðum fjóra þætti sálræns öryggis og lærum leiðir til að ræða um þessa þætti og gera þá áþreifanlega. Mikil áhersla er lögð á praktíska nálgun og fá þátttakendur tækifæri til að æfa sig í litlum hópum. Þeir eru einnig hvattir til að prófa sig áfram milli kennsludaga til að dýpka þekkingu sína og vera þannig enn betur undirbúnir til að yfirfæra hana yfir í sitt vinnuumhverfi. 

Ávinningur: 

  • Þekking og skilningur á sálrænu öryggi og áhrif þess á teymi
  • Þekking og skilningur á fjórum þáttum sálræns öryggis
  • Aukinn orðaforði til að ræða um þætti tengda sálrænu öryggi
  • Aukin færni í að skilja stöðu sálræns öryggis í teymum
  • Aukin færni í að tala um óþægilegu hlutina
  • Aukin færni í að gera áþreifanlega hluti áþreifanlega og vinna þannig með teymum í átt að auknu, sálrænu öryggi

Fyrir hverja er námskeiðið?

Námskeiðið er ætlað öllum þeim sem vilja auka þekkingu sína í að byggja upp árangursrík teymi sem skila sjálfbærum árangri og eins þeim er leiða teymi s.s. stjórnendur, hóp-/teymisstjóra, leiðtoga og verkefnastjóra.

Skipulag náms

Námskeiðið er kennt í staðarnámi í Opna háskólanum eftirfarandi miðvikudaga kl. 09:00-12:30

  • Fimmtudaginn 22. september
  • Fimmtudaginn 29. september
  • Fimmtudaginn 6. október

Vinsamlega athugið að dagsetningar eru birtar með fyrirvara um að lágmarksþátttaka náist á námskeiðið.

Hagnýtar upplýsingar

Flest stéttarfélög niðurgreiða hluta námskeiðsgjalda fyrir sína félagsmenn.

Hér koma leiðbeinendur

 

Leiðbeinendur

Kristrún Anna Konráðsdóttir

Teymis- & markþjálfi