Tækni|Stutt námskeið

Power BI - skýrslur og mælaborð

Námskeið um framsetningu og dreifingu gagna með skýrslum, mælaborðum og smáforritum í Power BI.

  • Næsta námskeið

    14. og 16. janúar 2020
    Kl. 9:00 -13:00

  • Staða

    Skráning hafin

  • Lengd

    8 klst. (2x4)

  • Verð

    64.000 kr.

Verkefna­stjóri

Halla Haraldsdóttir

hallah@ru.is

599 6325

Um námskeiðið

Á námskeiðinu verður farið yfir framsetningu, notkun og dreifingu gagna með skýrslum og mælaborðum í Power BI. Auk þess verður farið yfir fyrirspurnir á mannamáli (e. natural language queries), útfærslu aðgangsstýringa, einfalda gerfigreind sem byggð er inn í Power BI og ýmislegt fleira

Meðal þess sem er kennt:

  • Notkun og virkni skýrslna og þá sérstaklega gagnvirkni gagnastýringa og tengingar á milli skýrslna.
  • Skýrsluhönnun og gagnabirting - hvað virkar og hvað ber að varast?
  • Að tengjast einföldum gagnalindum með Power BI Desktop og birta í skýrslum.
  • Útfærsla á aðgangsstýringum og notkun Power BI Service til að dreifa greiningarskýrslum.
  • Staðlaðar gagnasýnir (e. visuals) sem fylgja með Power BI og aðfengnar gagnasýnir sem boðið er upp á til að útvíkka möguleika forritsins (e. custom visuals).
  • Birting landfræðigagna og þá möguleika sem Power BI bíður uppá, bæði með stöðluðum gagnasýnum og aðfengnum gagnasýnum.
  • Möguleikar gervigreindarinnar sem er innbyggð í Power BI til að flokka gögn og finna mynstur í gögnunum sem erfitt er að koma auga á.
  • Greining gagna á mannamáli (e. natural language queries) og hvernig best er að haga fyrirspurnum til að fá réttar niðurstöður.
  • Leiðir til að auðvelda aðgengi að upplýsingum með „fyrirspurnum á mannamáli“.

Fyrir hverja er námskeiðið?

Námskeiðið nýtist öllum þeim sem vilja setja fram gögn með myndrænum hætti og nútímalegum aðferðum.

Kennslan

Námskeiðið byggir á virkri þátttöku nemenda og er mikilvægt að allir mæti með Power BI Desktop uppsett en það má nálgast hér án endurgjalds. Athugið að ný útgáfa af Power BI kemur í hverjum mánuði.

Skipulag náms

Námskeiðið er kennt þessa daga:

  • Þriðjudaginn 14. janúar 2020 kl. 9-13.
  • Fimmtudaginn 16. janúar 2020 kl. 9-13.

Vinsamlega athugið að dagsetningar eru birtar með fyrirvara um að lágmarksþátttaka náist á námskeiðið.

Hagnýtar upplýsingar

Athugið að þátttakendur mæta með eigin PC tölvu á námskeiðið. Tölvan þarf að vera með Windows stýrikerfi og nýjustu útgáfu Power BI Desktop uppsetta.

Flest stéttarfélög niðurgreiða hluta námskeiðsgjalda fyrir sína félagsmenn.

Hér koma leiðbeinendur

 

Leiðbeinendur

Grímur Sæmundsson

Lead Data Scientist hjá Icelandair