Stjórnun|Stutt námskeið

Mannauðsmál, frá ráðningu til starfsloka

Hagnýtt námskeið þar sem farið verður yfir mannauðsmálin og öll helstu atriðin sem skipta máli við stjórnun mannauðs.

  • Næsta námskeið

    8. febrúar 2022
    09:00 - 12:00

  • Staða

    Skráning hafin

  • Lengd

    6 klst (2x3 klst)

  • Verð

    55.000 kr.

Verkefna­stjóri

Björg Rún Óskarsdóttir

bjorgrun@ru.is

599 6300

Við stjórnun og meðhöndlun mannauðsmála er mikilvægt að kunna vel til verka. Launakostnaður er oft stór hluti rekstrarkostnaðar, mistök í ráðningum og starfsmannavelta er kostnaðarsöm. Góð mönnun og vinnustaðarmenning bætir ímynd vinnustaða sem gerir vinnustöðum betur kleift að laða að og halda í besta vinnuaflið.

Um námskeiðið

Á námskeiðinu verður á hagnýtan hátt farið yfir mannauðsmálin frá ráðningu til starfsloka og allt þar á milli með áherslu á þau atriði sem skipta mestu máli við stjórnun mannauðs. Tekið verður mið af því sem vel hefur þótt reynast hingað til, auk þess verða þessi atriði skoðuð út frá nýjustu stefnum mannauðsstjórnunar og þeim miklu breytingum sem eiga sér stað á vinnumarkaði í dag.

Á námskeiðinu takast þátttakendur á við nokkrar hagnýtar æfingar tengdum algengum verkefnum og áskorunum þeirra sem starfa við mannauðsmál og stjórnun.

Að námskeiðinu loknu er stefnt að því að þátttakendur:

  • Hafi aukið skilning sinn á mikilvægi þess að mannauðsmálum og stjórnun sé vel sinnt
  • Hafi aukið þekkingu sína og færni til að takast á við algengar áskoranir þeirra sem fást við mannaforráð
  • Séu meðvitaðir um þær miklu breytingar sem eru að verða á vinnumarkaði og hvernig þær hafa áhrif á mönnun og stjórnun á vinnustöðum

Fyrir hverja er námskeiðið?

Námskeiðið hentar öllum þeim starfa við, eða hafa áhuga á að starfa við stjórnun og mannauðsmál

Skipulag

Námskeiðið er kennt í staðarnámi í Opna háskólanum kl. 09:00-12:00

  • Þriðjudaginn 8. febrúar 2021
  • Þriðjudaginn 15. febrúar 2021

Vinsamlega athugið að dagsetningar eru birtar með fyrirvara um að lágmarksþátttaka náist á námskeiðið.

Hagnýtar upplýsingar

Flest stéttarfélög niðurgreiða hluta námskeiðsgjalda fyrir sína félagsmenn. Opni háskólinn hvetur þig til að kynna þér möguleikana.

 

Hér koma leiðbeinendur

Leiðbeinendur

Herdís Pála Pálsdóttir

Reyndur stjórnandi, stjórnunarráðgjafi og stjórnendaþjálfi