Markaðsmál|Stutt námskeið

Lykilþættir sölu, þjónustu og væntingastjórnunar. Fjarkennsla

  • Næsta námskeið

    18. febrúar 2021
    kl. 13.00 - 17.00. Námskeiðið er kennt í fjarkennslu

  • Staða

    Skráning hafin

  • Lengd

    4 klst. (1x4)

  • Verð

    39.000 kr.

Verkefna­stjóri

Sandra Kr. Ólafsdóttir

Um námskeiðið

Á námskeiðinu verður farið yfir lykilþætti starfsmanna við sölu-og þjónustu. Fræðst verður um þjónustu, væntingastjórnun og þjálfun starfsmanna í þessum þáttum.

Að námskeiði loknu er stefnt að því að þátttakendur:

  • Öðlist betri þekkingu í lykilþáttum starfsmanna við sölu-og þjónustu.
  • Geri sér betur grein fyrir mikilvægi samskipta og framkomu við sölu-og þjónustu.
  • Geri sér betur grein fyrir hvað þjónusta er mikilvæg í nútíma samfélagi.
  • Þekki hugtakið „væntingastjórnun“ betur og hvernig hún getur nýst starfsmönnum og fyrirtækjum til framdráttar.
  • Þekki betur þróun á kauphegðun undanfarinna áratuga.
  • Skilji mikilvægi þjálfunar í ofangreindum þáttum.

Góðir sölu- og þjónustuhættir, mikilvægi væntingastjórnunar

Nútíma samfélag hefur þróast gríðarlega hratt á undanförnum áratugum. Samhliða þessum aukna hraða, hefur hlutverk starfsmanna við sölu-og þjónustu þróast mikið. Krafa viðskiptavina varðandi þjónustu, hraða starfsmanna og snöggar úrlausnir vandamála hafa aukist einnig. Í því skyni, er áhugavert að velta fyrir sér hverjir lykilþættir starfsmanna í framlínu eru. Hvað er það sem einkennir góða sölumenn? Hver er áhersla fyrirtækja á góða þjónustu og hvernig skilar það sér til starfsmanna?

Einstaklingar í samskiptum við viðskiptavini eru beint og óbeint að starfa við væntingastjórnun í öllum sínum verkefnum. Væntingar viðskiptavina hafa þróast samhliða auknum hraða og verða sífellt mikilvægara „tól“ í fórum starfsmanna. Með hvaða hætti hefur þróun á kauphegðun undanfarinna áratuga haft áhrif á hlutverk starfsmanna? Eru starfsmenn og fyrirtæki meðvituð um þessa breyttu kröfu og fá starfsmenn nægilega þjálfun til að læra inn á mikilvægi væntingastjórnunnar?

Fyrir hverja er námskeiðið?

Námskeiðið hentar öllum þeim sem eiga (eða vilja eiga) í samskiptum við viðskiptavini með einum eða öðrum hætti. Jafnframt er námskeiðið tilvalin leið fyrir þá sem eru nýjir í slíku starfi eða hafa starfað árum saman við sölu-og þjónustu og vilja bæta sig í starfi.

Skipulag

Kennsla fer fram:

  • Fimmtudaginn 18. febrúar 2021 frá kl. 13.00-17.00.

Námskeiðið er kennt í fjarkennslu í gegnum Zoom fjarfundarbúnað.

Vinsamlega athugið að dagsetningar eru birtar með fyrirvara um að lágmarksþátttaka náist á námskeiðið.

Hagnýtar upplýsingar

Flest stéttarfélög niðurgreiða hluta námskeiðsgjalda fyrir sína félagsmenn. Opni háskólinn hvetur þig til að kynna þér möguleikana.

Hér koma leiðbeinendur

Leiðbeinendur

Kristján Aðalsteinsson

Hluthafi og viðskiptastjóri hjá Hvíta húsinu, auglýsingastofu