Stjórnun|Stutt námskeið

Framkoma og ræðumennska

Góð samskipti eru lykill að farsælum frama en ekki er öllum jafn tamt að tjá sig og koma hugmyndum sínum á framfæri á skýran og grípandi hátt. 

  • Næsta námskeið

    13. og 20. febrúar 2020
    Kl. 9:00 til 13:00

  • Staða

    Skráning hafin

  • Lengd

    8 klst.

  • Verð

    65.000 kr.

Verkefna­stjóri

Halla Haraldsdóttir

hallah@ru.is

599 6325

Um námskeiðið

Á þessu námskeiði öðlast þátttakendur reynslu og færni í að miðla þekkingu sinni, hugmyndum og sjónarmiðum á áhrifamikinn, skemmtilegan og trúverðugan hátt.

Þátttakendur eru þjálfaðir í að gera á skilmerkilegan hátt grein fyrir máli sínu, tala af öryggi fyrir framan hóp fólks, leggja áherslur á aðalatriði og auka þar með áhrifamátt sinn og útgeislun. Með æfingu og endurgjöf leiðbeinanda er unnið markvisst að því að fá þátttakendur til að blómstra sem málssvara sinna verkefna og hópa.

Námskeiðið skiptist í tvo hluta, í fyrri hluta námskeiðsins læra þátttakendur grunnfærni í ræðumennsku. Áhersla er lögð á raddbeitingu, líkamsstöðu og framsögn. Í seinni hlutanum fá þátttakendur þjálfun í að flytja sinn eigin fyrirlestur eða ræðu. 


Ávinningur:

  • Aukið öryggi og færni í framkomu
  • Betri raddbeiting, öndun og líkamsbeiting
  • Þekking á eigin ræðustíl og styrkleikum
  • Áhrifameiri og skemmtilegri framkoma
  • Minni kvíði og aukin útgeislun

Fyrir hverja er námskeiðið?

Námskeiðið er fyrir þá sem vilja styrkja sig í samskiptum og tjáningu og öðlast aukið öryggi og færni í framkomu.

Skipulag

Kennsla fer fram:

  • Fimmtudaginn 13. febrúar 2020, frá kl. 9:00-13:00.
  • Fimmtudaginn 20. febrúar 2020, frá kl. 9:00-13:00.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

Hagnýtar upplýsingar

Flest stéttarfélög niðurgreiða hluta námskeiðsgjalda fyrir sína félagsmenn. Opni háskólinn hvetur þig til að kynna þér möguleikana.

Hér koma leiðbeinendur 

Leiðbeinendur

María Ellingsen

Leikkona, leikstjóri og ráðgjafi