Tækni|Stutt námskeið

Endurnýjun réttinda - Merking vinnusvæða

Staðarnám eða fjarnám

Endurnýjun réttinda á merkingu vinnusvæða.

  • Staða

    Væntanlegt

  • Lengd

    8 klst.

  • Verð

    50.000 kr

Verkefna­stjóri

Linda Vilhjálmsdóttir

lindav@ru.is 

599 6341

Um námskeiðið

Námskeiðið er ætlað þeim sem eru með 5-10 ára gömul skírteini sem renna út 1. mars nk. og hafa jafnframt unnið talsvert við vinnusvæðamerkingar síðastliðin ár og telja sig ekki þurfa upprifjun á grunnatriðum.

Yfirferðin á þessu námskeiði er það sama og kennt er á seinni degi á tveggja daga/fullu námskeiði(nu) Merking vinnusvæða.
Kennsluáætlun - Endurnýjun réttinda

Það sem farið er yfir á fyrri degi á tveggja daga/fullu námskeiði í Merkingu vinnusvæða, en ekki á þessu Endurnýjun réttinda – Merking vinnusvæða námskeiði er þetta:
Kennsluáætlun - Fyrri dagur á grunn námskeiði

Mikilvægt er að hafa í huga, að sömu kröfur eru gerðar á prófi (hliðstætt próf, krossapróf og verkefni) hvort sem um er að ræða eins (endurnýjun réttinda) eða tveggja daga námskeið (grunnámskeið).

Réttindapróf

Í lok námskeiðsins þreyta þátttakendur próf til réttinda. Þeir þátttakendur sem standast prófið frá prófskírteini sem gildir í 5 ár.

Prófað er úr öllu því námsefni sem farið er yfir í fullu tveggja daga námskeiði.

Þeir nemendur sem velja styttra námskeiðið munu fá afhent öll kennslugögn og æfingapróf sem notuð eru á fyrri degi í fullu námskeiði.

Um merkingu vinnusvæða

Í reglugerð um merkingu og aðrar öryggisráðstafanir vegna framkvæmda á og við veg, sem kom út árið 2009, var m.a. kveðið á um að Vegagerðinni væri falið að skrifa nánari reglur um útfærslu og framkvæmd vinnusvæðamerkinga. Í reglunum eru strangar kröfur um þekkingu og réttindi þeirra sem koma að þessum málum. Þar kemur fram að allir þeir sem koma að merkingu vinnusvæða frá Vegagerðinni og Reykjavíkurborg og þeir verktakar, hönnuðir og eftirlitsmenn sem tengjast verkefnum á þeirra vegum þurfa að hafa sótt námskeiðið Merking vinnusvæða og lokið prófi eins og gerðar eru kröfur um í reglugerðinni.

Skipulag

Kennsla er bæði staðarnám og fjarnám samtímis. Kennslan fer samtímis fram í kennslustofu og í gegnum Zoom fjarfundabúnað í beinu streymi.

Námskeiðið fer fram:

  • þriðjudaginn 22. mars 2022 frá kl. 9:00-17:00.

Þátttakendum verða send könnun um hvort þeir kjósi að mæta í staðarnám eða vera í fjarnámi í beinu streymi.

Hagnýtar upplýsingar

Allt kennsluefni og prófið er á rafrænu formi.

  • Þeir sem kjósa fjarnám í beinu streymi þurfa að hafa afnot af eigin tölvu og góðri nettengingu.
  • Ákjósanlegast er að staðarnemar hafi afnot af eigin/sér tölvu og góðri nettengingu.
  • Athugið að 3G nettenging dugar ekki.
  • Nauðsynlegt er að Power point forritið sé til staðar í tölvunum.

Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk til að sækja nám eða námskeið?
Kannaðu málið

Þátttakendur fá aðgang að kennslukerfi HR þar sem allt kennsluefnið er. Nauðsynlegt er að taka með sér eigin tölvu á námskeiðið.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

Hér koma leiðbeinendur

Leiðbeinendur

Atli Ómarsson

Verkefnastjóri - Skrifstofa reksturs og umhirðu Reykjavíkurborgar

Víkingur Guðmundsson

Sérfræðingur - úttektir og eftirfylgni - Vegagerðin