Stjórnun|Stutt námskeið

Aðferðir hugrænnar atferlismeðferðar í stjórnun

Að skilja líðan og hegðun starfsmanna eflir stjórnendur í að takast á við krefjandi starfsmannamál og aðrar aðstæður á vinnustaðnum.

  • Næsta námskeið

    Væntanlegt

  • Staða

    Væntanlegt

  • Lengd

    7 klst. (1x7)

  • Verð

    53.000 kr.

Verkefna­stjóri

Lýdía Huld Grímsdóttir

Um námskeiðið

Góðir stjórnendur eru sveigjanlegir í hugsun og hegðun en það gerir þeim auðveldara fyrir að takast á við krefjandi aðstæður. Þennan eiginleika er auðveldlega hægt að þróa og þjálfa. Á þessu námskeiði læra nemendur um grunnhugmyndir hugræna atferlismódelsins og hvernig má nýta þær í stjórnun.

Hvernig stjórnanda tekst til við að takast á við krefjandi aðstæður hefur mikið að gera með hans eigið hugarfar og hegðun. Á námskeiðinu er skoðað hvernig þátttakendur hafa áður brugðist við krefjandi aðstæðum í starfi. Farið verður yfir hvernig bera megi kennsl á hugsanir og hegðunarmynstur sem bæta ekki stjórnun og leiðir fundnar til að takast á við aðstæður á markvissari hátt.

Í lok námskeiðsins er stefnt að því að þátttakendur:

  • Þekki hugræna atferlismódelið.
  • Hafi grunnþekkingu til að beita aðferðafræði módelsins í starfi.
  • Geti nýtt ýmis verkfæri módelsins við krefjandi aðstæður.
  • Hafi grunnskilning á hegðun og líðan starfsmanna sinna.
  • Geti sýnt sveigjanleika og útsjónarsemi í starfsmannamálum.

Um hugræna atferlismódelið

Aðferðir sem byggjast á hinu hugræna atferlismódeli hafa mikið verið notaðar í meðferð við tilfinningavanda. Aðferðir módelsins eru hins vegar einnig öflugar til að styrkja stjórnendur í starfi. Þær miða meðal annars að því að auka sveigjanleika í hugsun og hegðun. Þegar þeirri færni er náð er hægt að læra að breyta eigin hugsunum og/eða hegðun með það að markmiði að geta tekist á við krefjandi aðstæður í stjórnun á árangursríkan, sveigjanlegan og uppbyggilegan hátt.

Fyrir hverja er námskeiðið?

Námskeiðið er fyrir alla þá sem vilja læra nýjar leiðir til að takast á við krefjandi aðstæður í starfsumhverfi á markvissari hátt. 

Skipulag

Dagsetning auglýst síðar.

Vinsamlegast athugið að dagsetningar eru birtar með fyrirvara um að lágmarksþátttaka náist í námskeiðið.

Hagnýtar upplýsingar

Flest stéttarfélög niðurgreiða hluta námskeiðsgjalda fyrir sína félagsmenn. 

Hér koma leiðbeinendur

 

Leiðbeinendur

Dr. Hafrún Kristjánsdóttir

Lektor og sviðsstjóri í tækni- og verkfræðideild HR. PhD

Linda Bára Lýðsdóttir

Sálfræðingur og sérfræðingur hjá VIRK starfsendurhæfingarsjóði.