Stjórnun|Stutt námskeið

6 lykilfærniþættir framlínustjórnenda

Framlínustjórnendur hafa afgerandi áhrif á árangur í rekstri. Á þessari vinnustofu, sem er haldin í samstarfi við FranklinCovey, verða kynntir 6 lykilfærniþættir framlínuleiðtoga.

  • Næsta námskeið

    14. nóvember 2019
    kl. 09:00-17:00

  • Staða

    Skráning hafin

  • Lengd

    8 klst. (1x8)

  • Verð

    70.000 kr.

Verkefna­stjóri

Lýdía Huld Grímsdóttir

Um vinnustofuna

Hlutverk framlínustjórnenda hefur ávallt verið krefjandi og er þar að auki flóknara í dag en nokkru sinni fyrr. Með nýju viðhorfi, færni og verkfærum fá þátttakendur að uppskera meiri árangur í krefjandi hlutverki sínu og hljóta góðan stuðning í leiðinni.

Framlínustjórnendur

Helgun starfsmanna, ánægja og tryggð viðskiptavina, framleiðni, nýsköpun, sala og kostnaður. Þetta eru meðal þeirra mikilvægu þátta í starfsemi sem framlínustjórnendur hafa áhrif á og þeir skipta sköpum í árangri í rekstrinum.

Kennsla

6 lykilfærniþættir við að leiða teymi er safn af sérvöldu efni frá FranklinCovey.  Færniþættirnir eru:

  • Þróa viðhorf leiðtogans - tileinka sér mikilvæga viðhorfsbreytingu frá hlutverki sérfræðings til stjórnanda sem gerir þátttakendum kleift að leiða aðra til árangurs.
  • Taka stöðuna 1&1 - auka helgun liðsmanna með því að taka reglulega stöðuna með hverju og einum einslega (1&1), dýpka skilning á viðfangsefnum liðsmanna, og hjálpa þeim að leysa sjálf verkefni dagsins.
  • Stilla teyminu upp til að ná árangri - setja sameiginleg skýr markmið og skilgreina árangursmælikvarða; dreifa ábyrgð og styðja liðsmenn.
  • Skapa menningu endurgjafar - gefa reglulega endurgjöf til að þróa sjálfstraust og færni liðsmanna; bæta eigin frammistöðu með því að sækjast eftir endurgjöf frá öðrum.
  • Leiða teymið í gegnum breytingar - koma auga á sértækar aðgerðir til að hjálpa liðsmönnum að vinna hratt og örugglega í gegnum breytingar og bæta stöðugt frammistöðu.
  • Stjórna tíma og orku - nýta vikulega áætlanagerð til að einblína á mikilvægustu forgangsverkefnin. Hlúa að velferð allra með því að nýta 5 hvata orkustjórnunar.

Fyrir hverja er vinnustofan?

Vinnustofan hentar verðandi og vaxandi leiðtogum sem eru að leita að hagnýtum og viðeigandi ráðum um hvernig á að leiða teymi til árangurs. Þátttakendur læra hvernig má nýta framlag allra til að ná meiri árangri.

Skipulag

Fimmtudagur 14. nóvember 2019, kl. 09:00-17:00

Vinsamlegast athugið að dagsetning er birt með fyrirvara um að lágmarksþátttaka náist í námskeiðið.

Hagnýtar upplýsingar

Flest stéttarfélög niðurgreiða hluta námskeiðsgjalda fyrir sína félagsmenn.

 

Hér koma leiðbeinendur

Leiðbeinendur