Lengri námslínur
Nýir stjórnendur
Námslína fyrir þá sem eru að stíga sín fyrstu skref sem stjórnendur eða vilja efla sig í stjórnendahlutverkinu.
Staðnám
Stutt lýsing
Námslína fyrir þá sem eru að stíga sín fyrstu skref sem stjórnendur eða vilja efla sig í stjórnendahlutverkinu.
Um námskeiðið
Aukinni ábyrgð fylgja spennandi áskoranir. Stjórnendur þurfa að gera fjárhagsáætlanir, móta stefnu og vita hvað arðsemismat er. Þeir þurfa að geta stjórnað verkefnum og útdeilt þeim og upp geta komið erfið starfsmannamál.
Mikilvægur hluti stjórnendastarfsins er jafnframt að vera góður leiðtogi og þá þarf að þekkja eigin styrkleika, hvar megi gera betur og setja sér markmið. Þessi námslína kennir undirstöðuatriði stjórnunar sem allir nýir stjórnendur þurfa að kunna.
Meðal þess sem kennt er:
- Grunnatriði frammistöðustjórnunar
- Fjárhagsáætlanir, stefnumótun og markaðssetning
- Margar hliðar mannauðsstjórnunar
- Rekstrarstjórnun
- Forgangsröðun verkefna
- Markmiðasetning
Námslínan er samstarf Opna háskólans í HR, kennara í HR og fólks í atvinnulífinu.
Nýir stjórnendur
Á fyrstu vikum og mánuðum sem stjórnandi má búast við nýjum verkefnum sem mörg hver geta verið krefjandi. Þar að auki verður hlutverk stjórnandans sífellt margþættara - en stjórnun í dag tekur til þátta eins og áætlanagerðar, rekstrarmála og starfsmannamála en jafnframt markaðsmála, samfélagslegrar ábyrgðar og markþjálfunar. Þekking á öllum hliðum nútíma stjórnunar er gott veganesti á vegferð nýrra stjórnenda.
Kennsla
Þrír kennarar sjá um kennslu í þessari námslínu en þau eru öll reyndir sérfræðingar á ýmsum sviðum stjórnunar; fjármálum, mannauðsmálum, stjórnendamarkþjálfun og stjórnendaráðgjöf.
Raunhæf verkefni
Lögð er áhersla á raunhæf verkefni til þess að tengja námsefnið sem best við þær áskoranir sem stjórnendur standa frammi fyrir í daglegum störfum.
Fyrir hverja er námskeiðið
Námið er fyrir þá sem eru að stíga sín fyrstu skref sem stjórnendur eða vilja efla sig í stjórnendahlutverkinu.
Skipulagið
Námslínan sem er 20 klst. samanstendur af fjórum lotum sem hver um sig er fimm klukkustundir að lengd.
Hagnýtar upplýsingar
Innifalið í verði eru öll námskeiðsgögn og léttar veitingar á námskeiðsdegi.
Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk til að sækja nám eða námskeið?
Kannaðu málið
Verð
189.000 kr
