Home/Merking vinnusvæða

Tækni

Merking vinnusvæða

Staðarnám eða fjarnám

Námskeið um hönnun og útfærslu á merkingum fyrir umferð vegna framkvæmda. Það er mikilvægt að slíkar merkingar séu samræmdar, bæði gagnvart starfsmönnum og vegfarendum. 

Staðnám

Námskeið hefst
14. febrúar 2023 - kl. 09:00
Verð
93.000 kr.
Staða
Skráning hafin

Stutt lýsing

Staðarnám eða fjarnám

Námskeið um hönnun og útfærslu á merkingum fyrir umferð vegna framkvæmda. Það er mikilvægt að slíkar merkingar séu samræmdar, bæði gagnvart starfsmönnum og vegfarendum. 

Um námskeiðið

Á þessu námskeiði er farið yfir helstu þætti sem þarf að hafa í huga á vinnusvæðum, eins og umferðarstjórn, lagaumhverfi, öryggisbúnað og merkingar, eftirlit og fleira.

Starfsmenn Vegagerðarinnar og Reykjavíkurborgar sem koma að merkingu vinnusvæða ásamt verktökum, hönnuðum og eftirlitsmönnum sem tengjast verkefnum á þeirra vegum verða að ljúka þessu námskeiði. Í lok námskeiðs þreyta þátttakendur próf til réttinda.

Á námskeiðinu er farið yfir eftirfarandi efnisþætti: 

  • Lög og reglugerðir, flokkun vega og gatna, umferðarmerki, flokkun og tegundir, umferðarstjórn. 
  • Vinnusvæðið, umgengnisreglur, framkvæmd, ábyrgð og eftirlit. 
  • Rammareglur um merkingar vinnusvæðis / framkvæmdasvæðis. 
  • Varnar- og merkingarbúnaður, ljósabúnaður, merkjavagnar, vinnutæki og öryggisbúnaður. 
  • Lagnavinna o.fl., leyfisskyldar framkvæmdir á vegsvæðum. 
  • Vinnustaðamerkingar á tveggja til sex akreina vegum og við staðbundna/hreyfanlega vinnu. 
  • Magntaka, kostnaðaráætlanir, gæðaúttektir og févíti.

Fyrirkomulag

Allt kennsluefni er í rafrænu formi og prófin líka.
Þátttakendur fá aðgang að kennslukerfi háskólans og þurfa því að hafa afnot af tölvu með aðgengi að Power Point forritinu. 

Námið er bæði fjarnám og staðarnám. Kennslan fer samtímis fram í kennslustofu og í gegnum Zoom fjarfundarbúnað. Þátttakendur hafa því val um að fylgjast með inn í kennslustofu eða í rauntíma í gegnum Zoom.

Réttindapróf

Í lok námskeiðsins þreyta þátttakendur próf til réttinda. Þeir  þátttakendur sem standast prófið frá prófskírteini sem gildir í 5 ár. Þeir sem eru með skírteini eldra en 5 ára þurfa að endurnýja sín vorið 2022, en frá og með þeim tíma er boðið upp á styttri námskeið til endurnýjunar réttinda.

Um merkingu vinnusvæða

Í reglugerð um merkingu og aðrar öryggisráðstafanir vegna framkvæmda á og við veg sem kom út árið 2009 var m.a. kveðið á um að Vegagerðinni væri falið að skrifa nánari reglur um útfærslu og framkvæmd vinnusvæðamerkinga. Í reglunum eru strangar kröfur um þekkingu og réttindi þeirra sem koma að þessum málum. Þar kemur fram að allir þeir sem koma að merkingu vinnusvæða frá Vegagerðinni og Reykjavíkurborg og þeir verktakar, hönnuðir og eftirlitsmenn sem tengjast verkefnum á þeirra vegum þurfa að hafa sótt námskeiðið Merking vinnusvæða og lokið prófi eins og gerðar eru kröfur um í reglugerðinni. 

Fyrir hverja er námskeiðið

Námskeiðið er ætlað þeim verkkaupum, hönnuðum, verktökum og eftirlitsmönnum sem á einn eða annan hátt koma að undirbúningi og framkvæmd vega- og gatnagerðarmannvirkja svo og öðrum þeim stofnunum og fyrirtækjum sem vinna að framkvæmdum á eða við vegsvæði.

Skipulagið

Námið er 16 klst og kennt er tvo daga í röð frá kl 9-17.

Kennsla fer fram sem staðarnám eða fjarnám og fer samtímis fram í kennslustofu og í gegnum Zoom fjarfundarbúnað. 

Hagnýtar upplýsingar

Þátttakendur fá aðgang að kennslukerfi HR þar sem allt kennsluefnið er. Nauðsynlegt er að taka með sér eigin tölvu á námskeiðið með aðgengi að Power Point forritinu.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

Flest stéttarfélög niðurgreiða hluta námskeiðsgjalda fyrir sína félagsmenn. 
Átt þú rétt á styrk til að sækja um nám eða námskeið?
Kannaðu málið

Verð

93.000 kr

Verkefnastjóri

Linda Vilhjálmsdóttir

lindav@ru.is 

599 6341

Leiðbeinendur

Stefán Þór Pétursson);

Stefán Þór Pétursson

Verkfræðingur - Vegagerðin

Víkingur  Guðmundsson);

Víkingur Guðmundsson

Sérfræðingur - úttektir og eftirfylgni - Vegagerðin

Bjarni  Rúnar Ingvarsson);

Bjarni Rúnar Ingvarsson

Samgönguverkfræðingur - Reykjavíkurborg

Höskuldur  Tryggvason);

Höskuldur Tryggvason

Verkefnastjóri - Vegagerðin

Deila námskeiði:

Go to Top