Home/Stjórnendamarkþjálfun
Stjórnun og leiðtogafærni Persónuleg þróun

Lengri námslínur

Stjórnendamarkþjálfun

Hæfni í samskiptum og virk hlustun eru þættir sem stjórnendur í dag verða að tileinka sér til að vera í fremstu röð.

 

Staðnám

Námskeið í gangi
Verð
790.000 kr.
Staða
Skráning hafin

Skráningu lokið / Námskeið uppselt

Stutt lýsing

Hæfni í samskiptum og virk hlustun eru þættir sem stjórnendur í dag verða að tileinka sér til að vera í fremstu röð.

 

Um námskeiðið

Með markþjálfun læra einstaklingar að aðstoða starfsmenn eða viðskiptavini við að finna leiðir til að ná markmiðum sínum. Þetta gera markþjálfar með sérstakri spurningatækni og þjálfun í samskiptum. Tæknin sem markþjálfar nota nýtist í öllum fyrirtækjum og í viðfangsefnum fólks í daglegu lífi.

Um markþjálfun

Nýjar kynslóðir hafa nýja sýn á vinnumarkaðinn þar sem aukin krafa er gerð um að stjórnendur hvetji, styðji og leiði starfsmenn eða viðskiptavini í gegnum áskorun eða vandamál sem þeir standa frammi fyrir og/eða að markmiðum sem þeir hafa sett sér.

Sú grein markþjálfunar sem er kennd í Opna háskólanum í HR er kölluð stjórnendamarkþjálfun, eða Executive Coaching. Námið er alþjóðlegt og kennt í samvinnu við Coach U í Bandaríkjunum (stofnað 1992) sem er leiðandi aðili á heimsvísu í kennslu í markþjálfun. Námið er ACTP (Accredited Coach Training Program) vottað af ICF (International Coaching Federation).

Meðal þess sem kennt er:

  • Þekkja og hafa (ICF) siðareglur (Code of Ethics)  og faglegt viðmið að leiðarljósi í markþjálfunarsamtölum
  • Þekkja alla 8 hæfnisþætti ICF markþjálfunar
  • Að skapa og viðhalda opnu og traustu samband við markþega
  • Að koma á munnlegum eða skriflegum markþjálfunar samningi
  • Að skapa trausta nærveru fyrir markþjálfunarsamtal
  • Mismunandi markþjálfunar aðferðir
  • Að vinna með og nota verkfæri (model) gefin út af Coach U
  • Að vinna með þrjú stig hlustunar
  • Notkun á öflugri spurningatækni
  • Að styðja markþega við hönnun á aðgerðarplani til að ná markmiðum sínum
  • Að finna eigin styrkleika sem markþjálfi með sjálfskoðun
  • Mismuninn á markþjálfun og öðrum sérfræðihlutverkum

Að námi loknu hafa nemendur:

  • Fengið leiðsögn við markþjálfun frá vottuðum MCC markþjálfum/leiðbeinendum
  • Veitt og fengið markþjálfun frá samnemendum
  • Tekið þátt í fjarþjálfun (16 klst) með alþjóðlegum nemendum frá Coach U
  • Lokið 4 klst einstaklings "Mentor" markþjálfun ásamt frammistöðumati
  • Lokið rafrænum prófum á vegum Coach U
  • Lokið að lágmarki 20 markþjálfunartímum með þremur mismunandi markþegum
  • Lokið CEFTPTM   (Core Essentials Fast Track Program) og hlotið viðurkenningu frá Coach U
  • Fengið frammistöðumat á markþjálfunarsamtali fyrir ACC vottun (Stig 1)

Auðvelt er að byggja frekara nám til vottunar og starfsréttinda ofan á námið.
Útskrifaðir nemendur geta í framhaldinu sótt um ACC-réttindi (Associate Certified Coach) hjá ICF sem veitir þeim alþjóðlega viðurkenningu sem markþjálfar. ACC vottun er fyrsta vottunarstig ICF. ACC vottun er ekki innifalin í náminu.

Námið er hluti af ICF ACTP (Accredited Coach Training Program) og með frekari þjálfunartímum og markþjálfun veitir leyfi til að sækja um PCC (Professional Certified Coach) vottun hjá ICF.

Námið hefur einnig verið metið inn í meistaranám í mannauðsstjórnun og vinnusálfræði við HR sem valfag til 7,5 ECTS eininga.

 

Fyrir hverja er námskeiðið

Námið hentar þeim sem vilja verða betri stjórnendur, þeim sem vilja þjálfa aðra til að vera stjórnendur eða vilja hafa markþjálfun að aðalstarfi.

Skipulagið

Kennarar frumkvöðlar í faginu

Kennarar eru frumkvöðlar í faginu og hafa til að bera ómetanlega reynslu af bæði stjórnunarstörfum og þjálfun stjórnenda víðsvegar um heim. Kennarar hafa báðir hlotið MCC (Master Certified Coach) vottun, sem er efsta vottunarstig ICF.

Með hæstu einkunn

Kennsluformið er líflegt og fjölbreytt og námið, umgjörðin og leiðbeinendurnir hafa hlotið fullt hús stiga (5/5) í kennslumati frá því að það var fyrst kennt árið 2010.

Aðgangur að efni Coach U

Nemendur geta nýtt sér sérhönnuð eyðublöð, matskýrslur, greinar, markaðsefni og önnur gögn frá Coach U um leið og þeir hefja námið. Nemendur hafa þar að auki aðgang að öllu námsefni í gegnum kennsluvef Coach U í 6 mánuði að lokinni seinni staðarlotu.  

Skipulag námsins

Nám í markþjálfun hefst í september ár hvert og lýkur með útskrift í maí árið eftir. Nemendur mæta í staðarlotur í Opna háskólann tvisvar sinnum á því tímabili en dagsetningar þeirra eru ákveðnar frá ári til árs. 
Athugið að skyldmæting er í staðarloturnar.  Kennslan fer fram á ensku. 

Hagnýtar upplýsingar

Inntökuskilyrði

Þeir sem hafa lokið háskólaprófi njóta forgangs í námið. Aðrar prófgráður koma til greina og eru skoðaðar sérstaklega auk annarra þátta svo sem staðfestingu á stjórnendareynslu, reynslu af atvinnumarkaði, umsagna og greinagerðar frá umsækjanda sjálfum.

Rafræn umsókn og fylgigögn

Til að sækja um nám í markþjálfun er fyllt út rafræn umsókn á vef Opna háskólans í HR. Með umsókninni þurfa að fylgja afrit af prófskírteini síðustu prófgráðu og ferilskrá.

Hagnýtar upplýsingar

  • Nemendur fá veitingar í staðarlotum.
  • Innifalið í verði námsbrautarinnar eru tvær vandaðar kennslubækur (rafbækur) um markþjálfun fyrir atvinnulíf.
  • Kennsluáætlun* veturinn 2022-2023

*Athugið að kennsluáætlun er birt með fyrirvara um breytingar.

 

Þegar nemendur hafa verið samþykktir inn í námið er sendur reikningur til viðkomandi. Hægt er að gera raðgreiðslusamning og þannig skipta niður greiðslunum eða greiða með netgíró.

Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk frá stéttarfélagi til að sækja nám eða námskeið?
Kannaðu málið.

Verkefnastjóri

Linda Vilhjálmsdóttir

lindav@ru.is 

599 6341

Leiðbeinendur

Cheryl  Smith);

Cheryl Smith

MCC Executive Coach, MA í stjórnun og forstjóri Leadscape Learning

Hilary  Oliver);

Hilary Oliver

Stjórnendamarkþjálfi (PCC) framkvæmdastjóri alþjóðadeildar ICF

Deila námskeiði:

Go to Top