Stjórnendur framtíðarinnar
Leiðtogar í lífi og starfi
Námslína fyrir þá sem eru að stíga sín fyrstu skref sem stjórnendur eða vilja efla sig í stjórnendahlutverkinu.
-
Næsta námskeið
Október 2020
-
Staða
Væntanlegt
-
Lengd
25 klst.
-
Umsóknarfrestur
Tilkynnt síðar.
-
Verð
225.000 kr.
Verkefnastjóri
Um námið
Aukinni ábyrgð fylgja spennandi áskoranir. Stjórnendur þurfa að gera fjárhagsáætlanir, móta stefnu og vita hvað arðsemismat er. Þeir þurfa að geta stjórnað verkefnum og útdeilt þeim og upp geta komið erfið starfsmannamál.
Mikilvægur hluti stjórnendastarfsins er jafnframt að vera góður leiðtogi og þá þarf að þekkja eigin styrkleika, hvar megi gera betur og setja sér markmið. Þessi námslína kennir undirstöðuatriði stjórnunar sem allir nýir stjórnendur þurfa að kunna.
Meðal þess sem kennt er:
- Grunnatriði frammistöðustjórnunar
- Fjárhagsáætlanir, stefnumótun og markaðssetning
- Margar hliðar mannauðsstjórnunar
- Rekstrarstjórnun
- Forgangsröðun verkefna
- Markmiðasetning
Námslínan er samstarf Opna háskólans í HR, kennara í HR og fólks í atvinnulífinu.
Nýir stjórnendur
Á fyrstu vikum og mánuðum sem stjórnandi má búast við nýjum verkefnum sem mörg hver geta verið krefjandi. Þar að auki verður hlutverk stjórnandans sífellt margþættara - en stjórnun í dag tekur til þátta eins og áætlanagerðar, rekstrarmála og starfsmannamála en jafnframt markaðsmála, samfélagslegrar ábyrgðar og markþjálfunar. Þekking á öllum hliðum nútíma stjórnunar er gott veganesti á vegferð nýrra stjórnenda.
Fyrir hverja er námið?
Námið er fyrir þá sem eru að stíga sín fyrstu skref sem stjórnendur eða vilja efla sig í stjórnendahlutverkinu.
Kennsla
Fjórir kennarar sjá um kennslu í þessari námslínu en þau eru öll reyndir sérfræðingar á ýmsum sviðum stjórnunar; fjármálum, mannauðsmálum, stjórnendamarkþjálfun og stjórnendaráðgjöf.
Raunhæf verkefni
Lögð er áhersla á raunhæf verkefni til þess að tengja námsefnið sem best við þær áskoranir sem stjórnendur standa frammi fyrir í daglegum störfum.
Um skipulag námsins
Námslínan verður kennd eftirfarandi daga:
- 9. október 2019 kl 13-18
- 6. nóvember 2019 kl 13-18
- 20. nóvember 2019 kl 13-18
- 4. desember 2019 kl 13-18
- 11. desember 2019 kl 13-18
Námslínan sem er 25 klst. samanstendur af fimm lotum sem hver um sig er fimm klukkustundir að lengd.
Lotur
Stjórnun og forysta
Í lok námslotunnar er stefnt að því að þátttakendur:
- Hafi betri skilning á grunnþáttum stjórnunar og forystu
- Þekki einkenni árangursríkra liðsheilda
- Hafi kynnst grunnatriðum frammistöðustjórnunar
Leiðbeinandi: Ketill Berg Magnússon, MA og MBA, mannauðsstjóri Marel og stundakennari við HR.
Verkefna- og tímastjórnun
Í lok námslotunnar er stefnt að því að þátttakendur:
- Hafi öðlast betri hæfni í skipulagi og forgangsröðun verkefna
- Hafi öðlast betri hæfni í útdeilingu verkefna og ábyrgðar
- Hafi öðlast betri þekkingu á verkefna- og tímastjórnun
Leiðbeinandi: Lára Óskarsdóttir, PCC stjórnendamarkþjálfi
Mannauðsstjórnun
Í lok námslotunnar er stefnt að því að þátttakendur:
- Hafi aukinn skilning á ólíkum hliðum mannauðsmála
- Hafi dýpri innsýn í hvernig bregðast megi við krefjandi starfsmannamálum
- Þekki lykilatriði ráðninga og starfsþróunar
- Hafi öðlast aukna vitund um áhrif jafnréttis á vinnuumhverfi
Leiðbeinandi: Hulda Dóra Styrmisdóttir, MBA, stjórnendaráðgjafi
Fjármál og rekstur
Í lok námslotunnar er stefnt að því að þátttakendur:
- Þekki ferli áætlanagerðar
- Þekki hvernig tengja má fjárhagsáætlanir við stefnumótun og markaðssetningu
- Hafi aukna þekkingu á rekstrarstjórnun
- Hafi þekkingu á arðsemismati og notagildi þess
Leiðbeinandi: Jón Hreinsson, MBA, fjármálastjóri Nýsköpunarmiðstöðvar Íslands.
Persónuleg þróun stjórnandans
Í lok námslotunnar er stefnt að því að þátttakendur:
- Hafi öðlast aukna þekkingu á mikilvægi persónulegrar þróunar
- Hafi betri sýn á eigin styrkleika og tækifæri til umbóta
- Hafi sett sér markmið til að ná auknum árangri í lífi og starfi
Leiðbeinandi: Lára Óskarsdóttir, PCC stjórnendamarkþjálfi.
Hagnýtar upplýsingar
Innifalið í verði eru öll námskeiðsgögn og léttar veitingar á námskeiðsdegi.
Flest stéttarfélög niðurgreiða hluta námskeiðsgjalda fyrir sína félagsmenn.