• Mynd-af-leidbeinendum_Thoreyju-og-Hlin-Helgu

Þórey Vilhjálmsdóttir og Hlín Helga Guðlaugsdóttir

Ráðgjafar hjá Capacent.

Þórey (til hægri á mynd) er partner (meðeigandi) og ráðgjafi í stefnumótun og stjórnun hjá Capacent. Hún býr yfir 20 ára reynslu af fyrirtækjarekstri, stjórnun, stefnumótun, viðskipta- og vöruþróun, nýsköpun og teymisvinnu. Þórey hefur einnig reynslu úr stjórnsýslu og stjórnmálum sem fyrrverandi aðstoðarmaður innanríkisráðherra og framkvæmdastjóri borgarstjórnarflokks Sjálfstæðisflokksins. Þórey var formaður ferðamálaráðs sem er iðnaðar- og viðskiptaráðherra til ráðgjafar í ferðaþjónustu 2015-2017. Hún starfaði sem framkvæmdastjóri Hönnunarmiðstöðvar Íslands 2008-2009. Þórey er MBA frá HR og CEIBS viðskiptaháskóla Sjanghæ, Kína og BA í viðskiptafræði með áherslu á alþjóðaviðskipti frá Háskóla Íslands. Árið 2015 lauk hún vinnustofu í Design thinking stefnumótun við Harvard háskóla og The Digital Mindset: How to innovate and lead your business to the future hjá IESE háskólanum 2016.

Hlín Helga er hönnuður með áralanga reynslu af skapandi þverfaglegri teymisvinnu sem byggir á Design Thinking. Má þar nefna nýlegt verkefni sem hún stofnaði til og leiddi með Kvennadeild Landspítala Íslands sem þykir vera gott dæmi um nýjar leiðir í heilbrigðisþjónustu auk þess að gefa hugmynd um leiðir til nýsköpunar innan rótgróinna stofnana samfélagsins.

Hlín Helga hefur sérhæft sig í upplifunarhönnun og samfélagsmiðaðri hönnun og hefur síðasta áratug gegnt kennarastöðum við meistaranám Listaháskóla Íslands og Konstfack University of Arts, Crafts and Design í Stokkhólmi auk þess að sinna kennslu við háskóla og stofnanir víða um heim. Samhliða kennslunni hefur Hlín starfað sjálfstætt sem hönnuður, listrænn stjórnandi sýninga og viðburða þ.m.t. DesignTalks Hönnunarmiðstöðvar Íslands frá 2014. Hún starfar einnig sem ráðgjafi í stefnumótun hjá Capacent.

Hlín er vanur fyrirlesari og fundarstjóri, er fellow hjá hugveitunni W.I.R.E í Sviss sem ástundar þverfaglega framtíðarrýni, Associated Faculty hjá Stockholm School of Entrepreneurship og situr í stjórn Hönnunarsjóðs Íslands.