Kjartan Sigurðsson

Kennari og verkefnastjóri í HR

Kjartan er kennari og verkefnastjóri í HR. Hann hefur umsjón með framkvæmd og innleiðingu á PRME (Principles for Responsible Management Education) í HR, en PRME er frumkvæði Sameinuðu þjóðanna um alþjóðlegt samstarf viðskiptaháskóla til að efla menntun á sviði samfélagslegrar ábyrgðar, sjálfbærni og viðskiptasiðferðis. Kjartan er doktorsnemi við HR og gerir ráð fyrir að verja doktorsritgerð sína snemma árs 2020. Hann er með MSc gráðu í Alþjóðaviðskiptum frá HR og BA gráðu í Félagsfræði frá HÍ, hefur víðtæka reynslu sem framkvæmdastjóri og frumkvöðull. Einnig hefur hann starfað víða í Evrópu og á Íslandi við ráðgjöf á innleiðingu og framkvæmd áætlanagerða í fyrirtækjum á sviði samfélagslegrar ábyrgðar, sjálfbærni og nýsköpunar. Hann hefur víðtæka reynslu á sviði rannsókna á samfélagslegri ábyrgð fyrirtækja, en rannsóknir hans fela meðal annars í sér að skoða hvort fyrirtæki hafi hagsmuni af því að innleiða og móta stefnu fyrirtækja um samfélagslega ábyrgð og sjálfbærni.