Elín Gränz

Mannauðsstjóri Hörpu

Elín Gränz lauk grunnnámi í alþjóðamarkaðsfræði frá Háskólanum í Reykjavík árið 2001, MBA námi frá Viðskiptaháskólanum í Kaupmannahöfn árið 2006 og meistaranámi í mannauðsstjórnun við Háskóla Íslands árið 2011. Þar að auki lauk hún námi í stjórnendamarkþjálfun frá Opna háskólanum í HR og International Coach Federation (ICF) árið 2018.

Elín starfaði áður hjá Opnum kerfum og á 12 ára starfstímabili þar starfaði hún sem ráðgjafi í CRM og gæðamálum, forstöðumaður verkefnastýringar, forstöðumaður gæða og öryggismála og framkvæmdastjóri mannauðssviðs og innri þjónustu frá árinu 2011. Í janúar 2018 tók hún jafnframt við starfi framkvæmdastjóra vöru- og hugbúnaðarsviðs samhliða starfi mannauðsstjóra. Þar áður starfaði Elín sem viðskiptastjóri hjá Intrum Justitia.

Elín hefur einnig verið virk í félagsmálum og er meðal annars einn stofnenda Vertonet - hagsmunasamtaka kvenna í upplýsingatækni og verið í stjórn Mannauðs, félags mannauðsfólks á Íslandi, viðskiptanefnd FKA og Leiðtogaauði.