Námskeiðið Grunnatriði markaðssetningar samanstendur af fyrirlestrum og ítarefni um hvað markaðsfræðin er, markaðsetningu, markað, sprengivöxt, heildræn markaðsmál og hvernig markaðsfræðin er að breytast.

Opni háskólinn í HR og Rannsóknarsetur HR í markaðssfræðum og neytendasálfræði (CRMC) bjóða netnám á eigin hraða (e. online and self-paced) í markaðsfræði.

Námið er hagnýtt, sem þýðir að fólk sem vinnur við markaðsstörf eða vill auka færni sína til frekari starfa í markaðsmálum, getur vel sótt námið með vinnu. 

Að loknu náminu fær þátttakandi viðurkenningu frá Opna háskólanum og Rannsóknarsetri HR í markaðsfræðum og neytendasálfræði um að hafa staðist kröfur námskeiðsins. 

Markmið og ávinningur með náminu felur í sér:

• Markmið námsins er að þjálfa og fræða þátttakendur að verða sérfræðingar í markaðsmálum og geta tekið að sér stjórnun markaðsstarfa og verið virkir, verðmætir þátttakendur í markaðsstörfum.
• Markmið námsins er að þátttakendur hafi aukið hæfni sína og getu til að starfa að markaðsmálum
• Markmið námsins er að vera hvetjandi, sýna nýjar leiðir, til að þjálfa, til að auka áhuga og kraft til markaðsstarfa

Námskeiðið er ætlað fyrir fólk með áhuga á markaðsmálum

• Námskeiðið er fyrir alla þá sem vinna í markaðsmálum
• Fyrir alla þá sem langar til að vinna að markaðsmálum
• Fyrir fólk starfar að samskipta- og kynningarmálum
• Fyrir fólk sem starfar á eftirspurnarhlið í fyrirtækjum
• Fyrir fólk sem hefur brennandi áhuga á markaðsmálum

Námskeiðið fer fram á netinu. Þátttakendur vinna námskeiðið á eigin hraða í gegnum lærdómskerfi Opna háskólans.

Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk frá stéttarfélagi til að sækja nám eða námskeið?
Kannaðu málið.