Home/Ferla- og gæðastjórnun
Stjórnun og leiðtogafærni

Lengri námslínur

Ferla- og gæðastjórnun

Nám í ferla- og gæðastjórnun er sérstaklega þróað fyrir þá sérfræðinga og stjórnendur sem vilja bæta ferla og gæðastarf sem og efla umbótastarf innan fyrirtækja og stofnana

 

    Staðnám

    Námskeið hefst
    15. september 2022 - kl. 09:00
    Verð
    277.000 kr.
    Staða
    Skráning hafin

    Stutt lýsing

    Nám í ferla- og gæðastjórnun er sérstaklega þróað fyrir þá sérfræðinga og stjórnendur sem vilja bæta ferla og gæðastarf sem og efla umbótastarf innan fyrirtækja og stofnana

     

      Um námskeiðið

      Með því að ljúka námslínunni hafa þátttakendur öðlast verðmæta sérfræðiþekkingu; þeir geta komið auga á tækifæri til umbóta, sýnt fram á hvernig er hægt að ná meiri hagkvæmni og betri árangri, eru með yfirsýn yfir helstu gæðastaðla, hafa þekkingu á ferlastjórnun og virðisgreiningum og eru færari í stjórnun verkefna.

      Meðal þess sem kennt er:

      • Aðferðir til að virðisgreina og nýta mælingar og gögn.
      • Helstu aðferðir, staðlar og líkön á sviði gæða- og verkefnastjórnunar.
      • Val og innleiðing á stjórnunaraðferðum við hæfi.
      • Val og innleiðing á stjórnunarstöðlum og hagnýt ráð við notkun á útbreiddum stöðlum.
      • Umbótastarf: Helstu hugtök, uppbygging og mælingar. Fjallað er um PDCA og A3, Kaizen, Gemba, Fiskibein (Ishikawa), flæði, 5 kvarðar stöðugra umbóta, SCARFR, og fleira.

      Um ferla- og gæðastjórnun

      Öll starfsemi byggist á ákveðnum ferlum. Ferlastjórnun er aðferðafræði þar sem er sífellt verið að mæla þessa ferla og endurskoða svo að hægt sé að stýra þeim á sem bestan hátt. Í ferlastjórnun eru notuð ákveðin tæki og tól til að sjá hvar má bæta reksturinn - eitthvað sem er viðvarandi verkefni. Með virkri stýringu á ferlum verða allar breytingar í starfseminni og innleiðing á nýjungum mun auðveldari og ánægja starfsfólks og viðskiptavina meiri.

      Kennsla

      Þrír sérfræðingar í ferlastjórnun og gæðastjórnun kenna námslínuna. Þau búa yfir fjölbreyttri reynslu og starfa sem gæðastjóri, verkefnastjóri og verkefnastjóri stöðugra umbóta hjá framsæknum fyrirtækjum hér á landi.

      Kennsluaðferðir

      Námskeiðið byggist á fyrirlestrum og verkefnavinnu nemenda sem er unnin á staðnum.

      Próf og heimavinna

      Nemendur þurfa ekki að þreyta próf og þeim er ekki sett fyrir heimavinna.

      Fyrir hverja er námskeiðið

      Námið hentar sérfræðingum og stjórnendum innan fyrirtækja á almennum vinnumarkaði og hjá stofnunum hins opinbera.

      Skipulagið

      Námslínan er alls 28 klukkustundir.

      Kennt er í fjórum lotum, 7 klst hvor frá kl. 9 - 16.

      Hagnýtar upplýsingar

      • Innifalið í verði námskeiðs er morgunkaffi og hádegismatur. 
      • Allt námsefni er innifalið og aðgengilegt nemendum á kennsluvef Háskólans í Reykjavík.
      • Nokkrum dögum fyrir námskeið fá þátttakendur sendan tölvupóst með helstu upplýsingum. 

      Flest stéttarfélög niðurgreiða hluta námskeiðsgjalda fyrir sína félagsmenn.

      Átt þú rétt á styrk til að sækja nám eða námskeið?
      Kannaðu málið

      Verð

      277.000 kr

      Verkefnastjóri

      Linda Vilhjálmsdóttir

      E-mail: lindav@ru.is

      Tel: 599 6341

      Leiðbeinendur

      Agnes Hólm Gunnarsdóttir);

      Agnes Hólm Gunnarsdóttir

      Gæðastjóri Verkís

      Viktoría  Jensdóttir);

      Viktoría Jensdóttir

      Global Program/Project Manager hjá Össuri

      Hjálmar  Eliesersson);

      Hjálmar Eliesersson

      Verkefnastjóri stöðugra umbóta hjá Rekstrarstýringu Icelandair

      Deila námskeiði:

      Go to Top