Breytingar reyna oft meira á þolrifin en ætla má í fyrstu. Á þessu námskeiði verða kynntir til sögunnar þættir sem tengjast bæði skipulagi og mannlegri hegðun.

Breytingastjórnun tengist bæði skipulagi og mannlegri hegðun. Í breytingaferli er afar mikilvægt að skýr sýn sé til staðar, að rétt sé staðið að upplýsingagjöf og að áfangar breytinga séu vel skilgreindir.

Á þessu námskeiði læra nemendur að stýra skipulagsheildum og starfsfólki í gegnum ferlið. Lögð er áhersla á væntingastjórnun og viðbrögð við afleiðingum þess óvissuástands sem breytingar hafa gjarnan í för með sér. Ennfremur er stuttlega komið inn á krísustjórnun. 

Í lok námskeiðsins ættu þátttakendur að:

• Kunna skil á helstu þáttum er varða skipulag og mannlega þætti breytingarstjórnunar

• Hafa öðlast yfirsýn yfir helstu þætti breytingaferlisins og geta skilgreint krítíska þætti

• Hafa fengið æfingu í því að takast á við helstu áskoranir breytingastjórnunar

Fyrir hverja er námskeiðið?

Námskeiðið er fyrir þá sem vilja öðlast færni í að stýra breytingum á sem farsælastan hátt.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk frá stéttarfélagi til að sækja nám eða námskeið?
Kannaðu málið.

69.000 kr

Íris Bjarnadóttir

irisbja@ru.is